. Neft və milyonlar səltənətində (1916)

Siyahılar

Səhifələr

İllər

Şəxslər

Yeni əlavələr

Təqvim (doğum)

Təqvim (vəfat)

Neft və milyonlar səltənətində (1916)

Kateqoriya: Səhifələr Əlavə edilən tarix: 23-12-2021 Baxış sayı: 120

 

Neft və milyonlar səltənətində (1916)

 

 

 

İl: 1916
Janr: dram
İstehsalçı şirkət: "Filma" Səhmdar Cəmiyyəti
Növ: tammetrajlı bədii film

 

 

Məzmun

 

Bakı şəhərinin yaxınlığında yaşayan yoxsul bir dul qadın başqalarının yanında qulluqçuluq etməklə ailəsini güclə dolandırır. Ana məktəb yaşına çatmış oğlunu mədrəsəyə qoyur. Lakin az sonra onu mədrəsədən çıxarırlar. Əlacsız qalan qadın oğlunu tacir Həsənin yanında işə düzəldir. Bir neçə ildən sonra Cəlilin anası vəfat edir. Cəlil evə qayıdır.

 

Cəlilgilin kasıb evi və bir parça torpağı varlı Lütfəli bəyin geniş malikanəsinin yanında yerləşirdi.

 

Bir neçə il gəlib keçir, Abşeron torpağının hər yerində neft buruqları getdikcə artır… Buruqlar fontan vurur, sahibkarlara ağlagəlməz dərəcədə var-dövlət gətirir. Uzun danışıqlardan sonra Lütfəli bəylə Cəlil şərik olub, ikincinin həyətində bir neft quyusu qazdırırlar. Tezliklə yeni quyu fontan vurur, Cəlil varlanır; mülklər alır, gəmilər, mədənlər sahibi olur.

 

Qonşusu qocanın ölüm xəbərini eşidən Cəlil mərhumun evinə baş çəkir; qocanın qızı, onun uşaqlıq dostu Şəfiqəyə başsağlığı verməyə gedir… Şəfiqə böyümüş, gözəl bir qız olmuşdur… Cəlil və Şəfiqə evlənirlər.

 

Cəlil ata-baba adətinə zidd olaraq öz gənc yoldaşını başqalarından gizlətmir. Lütfəli bəy Şəfiqənin gözəlliyinə heyrandır. O, münasib vaxt tapıb öz məhəbbətini açır. Lakin Şəfiqə ona qapını göstərir.

 

Lütfəli bəy intiqam tələsi qurmağa başlayır; o, Cəlili məhv etməyi qət edir.

 

Lütfəli bəyin təsiri nəticəsində Cəlil sərxoşluğa, qumara və daha başqa pis əməllərə qurşanır, sirkdə atçapan gözəl bir qadınla tanış olur, ona külli miqdarda pul xərcləyir. Lütfəli bəylə əlbir olan atçapan qadın Cəlillə birlikdə səyahətə çıxır və onun pullarını götürüb qaçır. Cəlil ayılıb özünü müflis görür.

 

Bu müddət ərzində Lütfəli bəy Cəlilin evini əlinə keçirir, Şəfiqəni qovur. Şəfiqə bir zamanlar əri ilə tacir Həsənin yanında qulluq edən qoca Qurbanın evində özünə sığınacaq tapır. Cəlil Bakıya qayıdır. O, qadınını və oğlunu tapır. Lakin ailəsinin ağır günlərinə dözə bilməyən Cəlilin ürəyi partlayır. Cəlilin ölümündən xəbər tutan hiyləgər Lütfəli bəy Şəfiqəyə evlənməyi təklif edir. Şəfiqə bu təklifi eşitcək səbri tükənir; bıçağı Lütfəli bəyin sinəsinə sancır…

 

Film yazıçı İbrahim bəy Musabəyovun eyniadlı povesti əsasında ekranlaşdırılmışdır.

 

 

 

Filmin heyəti

Rejissor: Boris Svetlov

Ssenari müəllifi: Anna Panova-Potyomkina

Operator: Qriqori Lemberq

 

 

Rollarda

K. Piontkovskaya

 

Şəfiqə

Vladimir Lenin

 

Cəlil

Hüseyn Ərəblinski

 

Lütfəli bəy

Regina Lazareva

 

Olqa

Yevgeni Muromski

 

Qurban

Y. Orlitskaya

 

Cəlilin anası

Y. İvanovski

 

Şəfiqənin atası

Vladimir Vyazemski

 

Dükançı Həsən

N. Dobrınin

 

həkim

Arseni Ridal

Məmməd Əlili

 

mollaxana şagirdi (epizod)

Cabbar Qaryağdıoğlu

 

xanəndə (epizod)

Qurban Pirimov

 

tarzən (epizod)

Mədətov

 

rəqqas (epizod)

Mirmahmud Kazımovski

 

(epizod)

Məşədi Qulu

 

kamançaçı (epizod)

Boris Çaykovski

 

(epizod)

 

 

Filmlə əlaqəli şəxs

İbrahim bəy Musabəyov

 

(əsər müəllifi)