. Məkanın melodiyası (2004)

Kateqoriyalar

Siyahılar

Yeni filmlər

"Azerikino"da yeni

Ən çox baxılanlar

Statistika

Məkanın melodiyası (2004)

Kateqoriya: Səhifələr Əlavə edilən tarix: 27-12-2019 Baxış sayı: 337

 

Filmin adı:

 

Məkanın melodiyası (2004)

 

İl:

 

2004

 

Ölkə: 

 

Azərbaycan

 

Janr: 

 

dram

 

Rejissor:

 

Hüseyn Mehdiyev

 

Rollarda:

 

Ələddin AbbasovAyan MirqasımovaMehriban ZəkiMobil ƏhmədovNizami ŞıxməmmədovNatəvan HacıyevaTəzəgül MəmmədovaMəmmədkamal KazımovFuad AbbaszadəMuxtar Avşarov
 

 

Məzmun:

 

80 yaşlı violençelist - Murad(Ələddin Abbasov) özünün ad günündə, ömrünün boş və hədər keçdiyini hiss edib sarsılır. Gəncliyindən bəri ürəyində gəzdirdiyi melodiyanı heç cür tamamlaya bilməyən qəhrəmanın fikrindən hətta intihar da keçir. Amma parkda təsadüfən rastlaşdığı Rəna(Ayan Mirqasımova) ilə tanışlığı onu bu fikirdən daşındırır. Çünki özünün xərçəng xəstələyinə tutulduğundan şübhələnən rəqqasə Rəna da, az qala intihar ərəfəsindədir. Bunu bilən Murad o cavan qadının xilaskarına çevrilir. Rəna isə bu xeyirxah qocanın haçansa gənclik illərində ilk baxışdan görüb sevdiyi, amma iradəsizlik göstərib həmişəlik itirdiyi Minanın axtarışına çıxır. Bu, həm də o nakam sevginin ifadəsi olan itirilmiş melodiyanın axtarışıdır. Tamaşaçının bir çox dramatik məqamlarıyla rastlaşdığı bu film qəhrəmanın uzun ömrünün cəmi iki gününü göstərsə də, əslində onun bütün həyatını əhatə edir.


Filmdə söhbət idealların məhv olmasından gedir. Və idealların məhv olması fonunda insanların arasında olan münasibətlərin dəyişməsi, eləcə də onların psixoloji məqamları diqqət mərkəzindədir. Bu filmin qəhrəmanı bütün ömrü boyu cəmiyyətin qanunları ilə yaşayıb. Cəmiyyətdə mövcud olan əxlaqi-mənəvi dəyərlər çərçivəsindən kənara çıxmayıb. Və cavanlığında özü də fərqinə varmadan təbiətinə qarşı çıxıb və bu addımı ilə də bütün həyatı və yaradıcılığı qarşısına sədd çəkib. Qəhrəman bu səddi yalnız həyatının sonunda duyur, başa düşür. Və bu səddə üsyan edir. Ancaq artıq gecdir. Onun bu üsyanı ölümü ilə nəticələnir.