. Məhkumlar (2007)

Səhifələr

Siyahılar

Yeni filmlər

"Azerikino"da yeni

Ən çox baxılanlar

Ötən günün filmləri

Ötən həftənin filmləri

Ötən ayın filmləri

Günün kino musiqiləri

Məhkumlar (2007)

Kateqoriya: Səhifələr Əlavə edilən tarix: 26-12-2019 Baxış sayı: 312

 

Filmin adı:

 

Məhkumlar (2007)

 

İl:

 

2007

 

Ölkə: 

 

Azərbaycan

 

Janr: 

 

dramromantikamüəmmacinayət

 

Rejissor:

 

Mehriban Ələkbərzadə

 

Rollarda:

 

Sevinc ƏliyevaRamil ZeynalovNurəddin MehdixanlıKəmalə HüseynovaRafiq ƏliyevMehriban XanlarovaRamiz NovruzovYelena ŞetinkinaTariyel QasımovNəcibə HüseynovaSadıq ƏhmədovRamiz MəlikovAyşad Məmmədov

 

Məzmun:

 

Filmdə Umbakı qəsəbəsində yerləşən və yalnız Qafqazda olan "Cüzam" xəstəxanasının sakinlərindən bəhs olunur. Əsərdə bu xəstəliyə yoluxmuş insanların cəmiyyətə qaynayıb-qarışması üçün şərait yaradılmasının zəruriliyi vurğulanmışdır.

 

Onlar elə bir bəlaya düçar olublar ki, dustaqlara, əsirlərə həsəd aparırlar. Çünki onlar yaşadıqları halda yaxınları, əzizləri üçün artıq yoxdurlar. Cəmiyyət onlarla üzləşmək belə istəmir. Onlar öz dərdlərini özləri çəkməlidirlər. Dərd isə çarəsiz, ümidsizdir. Söhbət cüzam xəstəxanasının sakinlərindən gedir. Cüzam irsən keçən xəstəlikdir. Əgər kimsə buna düçar olubsa, onun hansısa bir nəslində bu zühur oluna bilər. Filmin qəhrəmanı Leylanın (Sevinc Əliyeva) başına gəldiyi kimi. Atası (Sabir Məmmədov) onun xəstəliyinin çarəsini tapa bilmədiyindən bu dərdə dözməyib erkən vəfat etmiş, anası isə (Nəcibə Hüseynova) onu Umbakıda yerləşən xəstəxanaya atmışdır. Hətta ailələrində olan digər iki qızın adını qorumaq üçün hamıya onun ölmüş olduğunu bildirib, özləri isə Leylanı birdəfəlik unutmuşlar. Leyla üçün dünya Moskva Tibb Universitetinin tələbəsi Eldarın (Ramil Zeynalov) bu xəstəxanaya təcrübəyə gəlişi ilə başlayır. Eldar Leylanı sevir. Bütün qohumlarının, yüksək vəzifəli atasının iradəsinin əksinə olmuş olsa belə. Lakin atalar demişkən: Sən saydığını say, gör fələk nə sayır...

 

Əslində hadisələr real həyatdan götürülsə də, film sivil dünyanın hətta əlacsız xəstəliklərə məruz qalmışların xilası naminə onlara insani münasibət qurmaq, bu insanlarla cəmiyyət arasındakı səddin sökülməsi, onlara mərhəmət və qayğı oyatmaq məqsədi daşıyır. Bu film səhiyyənin təhlükəsizlik qanunlarına əsasən cəmiyyətdən təcrid olunan insanların sağ ikən yaxınları üçün itirilməsinə üsyandır. Filmin əsas qayəsi budur ki, nə qədər cəmiyyətdə insanlara bir-birindən fərqli münasibət var, xilas mümkün deyil.

 

Filmin musiqiləri (audio):

 

Dinlə və endir / Bəstəkar: Aqşin Əlizadə

 

Filmin musiqiləri (video):