. Bohema (1965)

Kateqoriyalar

Siyahılar

Yeni filmlər

"Azerikino"da yeni

Ən çox baxılanlar

Statistika

Bohema (1965)

Kateqoriya: Səhifələr Əlavə edilən tarix: 03-01-2020 Baxış sayı: 204

 

Filmin adı:

 

Bohema/La Bohème (1965)

 

İl:

 

1965

 

Ölkə: 

 

Almaniya (AFR)

 

Janr: 

 

musiqidram

 

Rejissor:

 

Vilhelm Zemmelrot

 

Rollarda:

 

Canni RaymondiRolando PaneraiCanni Maffeoİvo VinkoKarlo BadioliMirella FreniAdriana MartinoVircilio KarbonariFranko RiççardiCuzeppe Morresi
 

 

Məzmun:

 

Yoxsul şair Rudolfo və rəssam Marçello milad axşamı Paris mansardında soyuq sobanın ətrafında oturmuşlar. Onların sobanı qalamaq üçün nə oduncağı, nə də yeyəcək azuqələri vardır. Sobanı qısa müddətə qalamaq üçün, Rudolfo öz əlyazmalarından bir neçəsini qurban verir. Əlyazmalar tez yanıb qurtardıqdan sonra soba yenə də soyuyur. Bu dəmdə Filosof Kollen evə gəlir. O da səhnəyə qüssəli və incik çıxır, çünki o, bu milad axşamı bağlı olduğu üçün lombarda bəzi əşyaları girov qoya bilməmişdir. Sonuncu gələn musiqiçi Şonar olur. Onun əhvalı bir qədər yaxşıdır. O, özü ilə bir sifarişdən sonra əldə etdiyi bir şüşə çaxır, bir az yeyəcək, bir qədər də oduncaq və pul gətirmişdir. Dostların əhvalları bir qədər açılır, gecəni həmişə yığışdıqları latın məhəlləsindəki “Momus” kafesində keçirməyi qərara alırlar. Bu an ev sahibi Benua onlara rast gələrək, evin kirayəsini tələb etməklə bu xoş ovqatı pozmuş olur. Dostlar vəziyyətdən çıxmaq üçün Benuaya çaxır süzərək, könlünü qadınlar haqqında söhbətlərlə almağa çalışırlar. Çaxırdan xoşhallanan ev sahibi lovğalanmağa başlayır. Söhbət qızışır. Dostlar dolamaq məqsədilə ev sahibini arvadına sədaqətsizlikdə günahlandırıb mansarddan bayıra atırlar. Bundan sonra dostlar latın məhəlləsindəki “Momus” kafesinə yola düşürlər. Rudolfo bir qədər gec qalıb əsərini sona yetirmək istəyir, daha sonra onlara qoşulacağına söz verir. Otaqda tək qalıb əsəri üzərində işləyərkən birdən qapı döyülür. Gələn onun qonşusu Mimidir. O, pilləkənlərdə şamın söndüyünü və yandırmaq üçün ona kömək etməsini xahiş edir. Mimi Rudolfonun otağında huşunu itirir və mənzilinin açarını salır. Sonra onlar birlikdə itmiş açarı axtarmağa başlayırlar. Rudolfo heç də açarın tez tapılmasını istəmir. Onun nəfəsi ilə Miminin əlindəki şam sönür. Onlar qaranlıqda axtarışa başlayırlar. Qaranlıqda Miminin əli onun əlinə toxunur toxunmaz Rudolfo açarı tapır, lakin xəlvətcə onu öz cibinə qoyur. Mimi öz həyat hekayəsini ona danışır. Beləliklə, onlar ilk baxışdan bir-birinə vurulurlar. Sevgililər birlikdə latın məhəlləsindəki kafeyə yola düşürlər.

 

Parisin Latın məhəlləsi daha gurultulu milad bayramını qeyd edir. Küçədə oyuncaq alverçisi Parpinyolun işləri qaydasında gedir, uşaqların ardı arası kəsilmir. Rudolfo Mimiyə onun çoxdan arzusunda olduğu çəhrayı bir papaq alır. Dostlar “Momus” kafesində Marçellonun keçmiş sevgilisi Müzettanı dövlət müşaviri, polkovnik Alsindor ilə birlikdə görürlər. Müzetta qoca polkovniklə mazağlaşaraq, onu Lulu deyə çağırmaqla Marçelloya acıq verir. Marçello qısqanır, lakin Müzetta polkovniki yola salır ki, Marçellonun yanına dönsün. Dostlar “Momus” kafesini tərk etmək istədikdə, Şoner pulunun qurtardığını görür. Müzetta kafe qulluqçusuna deyir ki, onların pulunu qoca polkovnik ödəyəcəkdir. Geri qayıdıb gələn polkovnik hesabı gördükdə şoka düşərək yıxılır.

 

Fevral səhəri, şəhər kənarı. Marçelloya bir qədər pul qazanmaq üçün imkan yaranır. Şəhər kandarındakı kabaredə rəngsazlıq işi ona tapşırılmışdır. Məhz bu kabaredə Müzetta çıxış edir. Mimi Marçellodan ona əzab verən Rudolfonun əsassız qısqanclığının səbəbini soruşur. Qəflətən şair Rudolfonun gəlməsindən gizlənən Mimi dostların söhbətinə qulaq verir. Belə ki, Mimi Rudolfonun qısqanclığının səbəbini öyrənmiş olur. Məlum olur ki, Mimi çarəsiz vərəm xəstəsidir. O isə onu saxlaya bilməyəcəyindən ehtiyat edir. Bu an hönkürtü ilə Mimi Rudolfonu inandırmağa çalışır ki, onunla qalsın. Hər ikisi qışın sonuna qədər bir yerdə qlmağa qərar verirlər, lakin hər ikisi anlayır ki, onların baharı heç olmayacaq. Marçello Müzettanı yelbeyinlikdə günahlandıraraq onunla münasibətinə son qoyur.

 

Yarım il sonra mansardda. Rudolfo və Marçello keçmiş sevgililəri üçün darıxsalar da bunu bir-birilərinə deməkdən çəkinirlər. Bu zaman Kollen və Şoner gələrək özləri ilə bir qədər ərzaq gətirirlər. Dostlar bu baş verən hadisələri yumorla qarşılayırlar. Bir qədər sonra isə Müzetta taqəti qalmamış xəstə Mimini özü ilə gətirir. Mimi Rudolfo ilə görüşmək istəyir. Otağı qızdırmaq və həkim çağırmaq üçün öz sırğasını, Kollen isə öz sevimli paltosunu verir. Dostlar sevgililəri baş-başa buraxırlar. Onlar keçmış xatirələrini yada salırlar. Bu zaman Mimi boğulmağa başlayır. Rudolfonun çığırtısına yerdə qalanlar ona hay verirlər. Rudolfo sevgilisinin öldüyünü görüncə çarəsiz onun adını bağırır.