. Bayquş (1924)

Janrlar

İllər

Bayquş (1924)

Kateqoriya: Səhifələr Əlavə edilən tarix: 17-06-2021 Baxış sayı: 265

 

Bayquş (1924)

 

 

 

 

 

Video

Məlumatlar

Çəkiliş yeri Məzmun

Film haqqında

Festival və mükafat Səhv Filmin heyəti

Rollarda

Filmi səsləndirən Vokal Şəkil

Filmin musiqisi

Mahnı sözləri Sitat İstinad

 

Məlumatlar

 

Filmin digər adı:

 

Сова (rus dilində)

 

İl:

 

1924

 

Janr:

 

dram

 

Ölkə:

 

Azərbaycan

 

İstehsalçı şirkət:

 

AFKİ

 

İlk baxış tarixi:

 

12 sentyabr 1924

 

Növ:

 

tammetrajlı bədii film

 

Rəng:

 

ağ-qara

 

Dil:

 

səssiz

 

Vaxt:

 

64 dəq.

 

Texniki məlumat:

 

 

6 hissə

 

1750 metr

 

 

Çəkiliş yeri

 

BakıBibiheybət

 

 

BakıHökməli kəndi

 

 

Məzmun

 

Azərbaycanda Sovet Hakimiyyətinin qurulması ərəfəsində kənddə müxtəlif sosial təbəqələr arasında gedən sinfi mübarizə, bəzi ruhanilərin acgözlüyü, din pərdəsi altında avam camaatı aldatmaları kinodramda öz əksini tapmışdır.

 

Xan gənc muzdurun torpağını, azadlığını, hətta sevimli nişanlısını əlindən aldığı üçün o, zalım hökmdara qarşı mübarizəyə qalxır. Üsyançılara rəhbərlik edərək quldur dəstələrini darmadağın edir, doğma kəndini və əlbəttə nişanlısını azad edir.

 

 

Film haqqında

 

Rejissor G.Kravçenko Azərbaycan xalqının adət-ənənələrinə, məişətinə, yerli şəraitə bələd olmasa da, sənədli çəkilişlərlə süjet xəttinin təsirliliyini artırmağa çalışırdı. Bu məqsədlə o, Bakının Şıx və Bibiheybət kəndlərində həyata keçirilən dini mərasimləri lentə almağı qarşısına məqsəd qoymuşdu. Lakin yerli camaat bu cür hallara çox pis münasibət bəsləyirdi. Mətbuatda xəbər verilirdi ki, «sentyabrın 28-də Azərbaycan Foto-Kino İdarəsi işçilərindən bir dəstəsi «Bayquş» şəklini çəkməkdən ötəri, «Şaxsey-vaxsey» nümayişinin şəklini almaqdan ötəri Bibiheybətə getmişlər. Şəkil çəkildiyi zaman Türk səhnəsinin qocaman artisti Mirzə Muxtar Məmmədov dərviş rolunu ifa etdiyi halda, avam və cahil müsəlmanlardan bir dəstə onun üzərinə hücum edərək, bihal olana qədər onu döymüşdür. Rejissor Kravçenko və şəkilçəkən Lemke dəxi yaralanmışlar... Bu vəhşi hadisəyə baxmayaraq, «Bayquş» şəklinə lazım olan parçaların rəsmi alınmışdır».

 

 

Kinoşünas N.Sadıqovun qeyd etdiyinə görə, «Bayquş» filmi qarşıya qoyulmuş ideoloji tələblərə cavab vermədiyindən, AFKİ rəhbərliyi tərəfindən yaxşı qarşılanmayıb və ekranlara buraxılmayıb. Ancaq 1924-cü ilin sonunda mətbuat xəbər verirdi ki, «Azərbaycan Xalq Maarif Komissarlığı Foto-Kino İdarəsi tərəfindən hazırlanmış böyük bədii kinofilm - «Bayquş» çəkilib hazırlanmış və bu günlərdə Azərbaycan Foto-Kino kinosunda göstəriləcəkdir. Film 6 hissədən ibarətdir. Proloqu və epiloqu vardır. Göstəriləcəkdir. Afişaları təqib ediniz». Elanlardan bir neçə həftə sonra «Bayquş» adındakı əsərin böyük və son hissələrinin çəkilib qurtardığı», «Əsərin səhnələri üçün Xan Sarayının bütün görünüşlərinin alındığı» («Kommunist qəzeti», 18 yanvar, 1925-ci il) xəbər verilirdi. Çox güman ki, həm yuxarıda göstərdiyimiz qüsurlar üzündən, həm də dinin ələ salınmasına kəskin etirazını bildirən xalq kütləsinin reaksiyasını görən AFKİ rəhbərliyi filmi ekrana buraxmağa ehtiyat edib.

 

 

Filmin heyəti

 

Quruluşçu rejissor:

 

Georgi Kravçenko

 

Ssenari müəllifi:

 

Leo Mur

 

Quruluşçu operator:

 

Vladimir Lemke

 

Operator köməkçisi:

 

Caqunava

 

Təcrübəçi:

 

Ağarza Quliyev

 

Rollarda

Abbas Mirzə Şərifzadə

 

Xan

Ağarza Quliyev

 

Muzdur Əli

Möhsün Sənani

Aleksandr Makovski

Mirzə Muxtar Məmmədov

 

dərviş

 

İstinad

 

Aydın Kazımzadə. Azərbaycan kinosu - 1 (filmlərin izahlı kataloqu (1898-2002)). Bakı: 2003, səh. 22-23 (kitab)

 

 

Aydın Kazımzadə. Kino və zaman (1923 - 2016). səh. 30 (kitab)

 

 

Nazim Sadıxov. Azərbaycan bədii kinosu (1920-1935). səh. 26-27 (kitab)

 

 

Sovet Azərbaycanının ilk filmləri (məqalə)