. Arvadım mənim, uşaqlarım mənim (1978)

Səhifələr

Siyahılar

Yeni filmlər

"Azerikino"da yeni

Ən çox baxılanlar

Ötən günün filmləri

Ötən həftənin filmləri

Ötən ayın filmləri

Günün kino musiqiləri

Arvadım mənim, uşaqlarım mənim (1978)

Kateqoriya: Səhifələr Əlavə edilən tarix: 21-11-2019 Baxış sayı: 328

 

Filmin adı:

 

Arvadım mənim, uşaqlarım mənim (1978)

 

İl:

 

1978

 

Ölkə: 

 

Azərbaycan

 

Janr: 

 

dramkomediyaromantika

 

Rejissor:

 

Nicat FeyzullayevZiyafət AbbasovCəmil Fərəcov

 

Rollarda:

 

Kazım AbdullayevHacı İsmayılovMəlahət SalmanovaŞahmar ƏləkbərovMəmmədrza ŞeyxzamanovHəsən MəmmədovOfeliya MəmmədzadəŞamil Süleymanovİlham Namiq KamalDaşqın TurabovElxan CəfərovGülşən QurbanovaKamil MəhərrəmovRamiz ƏzizbəyliEldəniz Zeynalov
 

 

Məzmun:

 

Kinoalmanax 3 novelladan ibarətdir: "Toy", "Bağçada rahat yer" və "Arvadım mənim, uşaqlarım mənim".

 

 

Toy: 

 

Əhvalat kənddə baş verir. Şamil (Kazım Abdullayev) əsgərlikdən gələndən sonra öyrənir ki, sevdiyi qız (Məlahət Salmanova) sözünə xilaf çıxaraq başqasına (Hacı İsmayılov) ərə gedir. O, toy günü traktoru ilə gəlin karvanının qarşısını kəsir. Və şərti də o olur ki, bəy onunla döyüşməlidir...


Kinonovella mənəvi təmizlik probleminə həsr olunmuşdur.

 

 

Bağçada rahat yer

 

Filmin qəhrəmanı şəhərin məşhur bərbəri Məmmədəlidir (Həsən Məmmədov). O, öz peşəsinin vurğunudur. Onun müştəriləri məmurlar, məşhur adamlardır. Xaraktercə zarafatcıl, yumşaq adam olan Məmmədəlinin arvadıyla (Ofeliya Məmmədzadə) münasibətləri çətindir. Onun arvadı müəllimədir, meşşan təbiətli qadındır, ərinin peşəsinə də aşağılayıcı münasibət bəsləyir...


Arvadı, böyük oğlu Məmmədəliyə etinasız yanaşsa da, o bunu faciəyə çevirmir, əksinə anlayışlı olmağa çalışır. Və onun sevgisi peşəsinə də, ailəsinə də yetir. Hətta on altı yaşlı oğlu atasından ad günündə evdən getməsini, dostlarıyla tək qalmaq istədiyini xahiş edəndə belə o bunu anlayışla qarşılayır. Ani məyusluqla yanaşsa da.

 

Kinonovella sadə peşə adamlarının vicdan təmizliyindən, əxlaqi keyfiyyətlərindən söhbət açır.

 

 

Arvadım mənim, uşaqlarım mənim

 

Əhvalat kənddə yaşayan böyük bir ailə haqdadır. Ailədə 11 uşaq böyüyür. Fazil (Kamil Məhərrəmov) bostançı, Güldəstə (Gülşən Qurbanova) isə evdar qadındır. Günlərin birində Güldəstəyə 11 uşaq böyütdüyünə görə mükafat verilir və avtomobil hədiyyə olunur.


Toylarda müğənnilik edən qonşusu Səfər (Ramiz Əzizbəyli) Fazili tovlayır, avtomobili ona satmağı, onunla toylara getməyi məsləhət görür, daha çox pul qazana biləcəklərini deyir. Fazil daha bostançı da işləmək istəmir, ailəsini də unudur. Güldəstə minik maşınını paltaryuyan maşına dəyişir...

 

Müəllif mərkəzə sevgini gətirir. Məhz sevgi ailəni dağılmaqdan xilas edə bilər.

 

Kinonovella müasir birgəyaşayış qaydaları barədədir.