. Arşın mal alan (1916)

Janrlar

İllər

Arşın mal alan (1916)

Kateqoriya: Səhifələr Əlavə edilən tarix: 16-06-2021 Baxış sayı: 140

 

Arşın mal alan (1916)

 

 

 

 

 

Video

Məlumatlar

Çəkiliş yeri Məzmun

Film haqqında

Festival və mükafat Səhv Filmin heyəti

Rollarda

Filmi səsləndirən Vokal Şəkil

Filmin musiqisi

Mahnı sözləri Sitat İstinad

 

Məlumatlar

 

Filmin digər adı:

 

Аршин мал алан (rus dilində)

 

İl:

 

1916

 

Janr:

 

komediya

 

Ölkə:

 

Azərbaycan

 

İstehsalçı şirkət:

 

Filma Səhmdar Cəmiyyəti

 

İlk baxış tarixi:

 

 

3 yanvar 1917, Bakı

 

 

Növ:

 

tammetrajlı bədii film

 

Rəng:

 

ağ-qara

 

Dil:

 

səssiz (titrlər azərbaycancadır)

 

Texniki məlumat:

 

7 hissə

 

Çəkiliş yeri

 

 

Bakı

 

 

Məzmun

 

Filmin qəhrəmanı tacir Əsgər ailə qurmaq üçün qızı əvvəlcədən görüb sevmək arzusu ilə yaşayır. Mühit, şərait, ən başlıcası isə adət buna yol vermir. Dostu Süleymanın məsləhəti ilə küçələri, evləri adi bir arşın malı satan kimi gəzəndə Soltan bəyin qızı Gülçöhrə ilə rastlaşır. Gənclər ilk baxışdan bir-birilərini sevirlər. Müxtəlif maneələrə, çətinliklərə baxmayaraq nəhayət onlar arzularına çatırlar.

 

 

Film haqqında

 

O vaxt qadınlar nəinki səhnəyə çıxmır, hətta onların ictimai yerlərdə görünmələrinə də icazə verilmirdi. Ona görə də o dövrdə qadın rollarını kişilər oynayırdılar. Filmin çəkilişi ilə bağlı rejissor da bu qaydaya riayət etməyə məcbur olur. O, Gülçöhrə və Cahan xala rollarına kişi aktyorlardan Əhməd Ağdamski və Yunis Nərimanovu çəkir.

 

 

Film ilk dəfə Bakıdakı "Forum" kinoteatrında nümayiş etdirilmişdir. Musiqiçilər salonda operettadan musiqi parçaları ifa edirdilər. Cabbar Qaryağdıoğlu və digər xanəndələr ariyalar oxuyurdular.

 

 

Filmin keyfiyyəti çox aşağı olduğu üçün Üzeyir Hacıbəyovun təkidi ilə yanvarın 8-də ekrandan çıxarılmış, lakin qaranlıq kadrlar, yararsız epizodlar kəsilib götürüldükdən sonra 4 hissəli yeni film kimi kinoteatrlarda şərq musiqi orkestrinin müşayiəti ilə təkrar göstərilmişdir. Güman var ki, bu dəfə G. Belyakov eyni filmi özününküləşdirmiş, sanki təkrar çəkilmiş kimi yenidən ekranlara çıxarmışdır. Bu dəfə filmin hər bir hissəsinin öz adı var idi: "Cavan Əsgər ilə Vəlinin macərası", "Gəlin seçmək", "Arşın mal alan", "İkisi axtardı, dördü evləndi".

 

 

Film sonradan bütün Qafqazda nümayiş etdirilmiş, tamaşaçılar tərəfindən maraqla qarşılanmışdır. Və yenidən Bakı tamaşaçılarının mühakiməsinə verilmişdir. Bununla əlaqədar "Kaspi" qəzetinin 1917-ci il 20 aprel tarixli sayında xəbər verilmişdir ki, 4 hissədən ibarət "Arşın mal alan" komediyası Bakının Malıy teatrında aprelin 20-dən 22-dək göstəriləcək və filmi şərq musiqi orkesti müşayiət edəcəkdir. Bu film Üzeyir Hacıbəyovdan gizli surətdə müxtəlif vaxtlarda və müxtəlif şəhərlərdə gah 7, gah da 4 hissədə nümayiş etdirilmişdir.

 

 

Film Üzeyir Hacıbəyovun eyniadlı operettası əsasında ekranlaşdırılmışdır. 

 

 

Filmin çəkilişlərinə 1916-cı ilin axırlarında başlanmışdır.

 

 

Film o qədər uğursuz alınmışdı ki, Bakı kinoteatrlarında cəmi 5 gün göstərildi.

 

 

Filmin heyəti

 

Quruluşçu rejissor:

 

Boris Svetlov

 

Ssenari müəllifi:

 

Qriqori Lemberq

 

Rollarda

Hüseynqulu Sarabski

 

Əsgər

Əhməd Ağdamski

 

Gülçöhrə

Ələkbər Hüseynzadə

 

Soltan bəy

Yunis Nərimanov

 

Cahan xala

Mirzəağa Əliyev

 

Süleyman

Aleksandra Olenskaya

 

Asya

Hənəfi Terequlov

 

Vəli

Yeva Olenskaya

 

Telli

Məmməd Əlili

 

İstinad

 

Aydın Kazımzadə. Azərbaycan kinosu - 1 (filmlərin izahlı kataloqu (1898-2002)). Bakı: 2003, səh.40. (kitab)

 

 

Üzeyir Hacıbəyov və kino [Mətn /A. Kazımzadə ; red. M. Bəyişli ; rəssam N. Şıxəliyev ; rəyçi A. Dadaşov] səh. 12-16. (kitab)

 

 

Azərbaycan bədii kinosu (1920-1935-ci illər) [Mətn /N. Sadıxov ; red. C. Cəfərov ; AzSSR EA Memarlıq və İncəsənət İn-tu] səh. 12-14. (kitab)

 

 

Художественные фильмы дореволюционной России. Век Вишневский. Москва 1945. стр. 85. (kitab)

 

 

Aydın Kazımzadə, “Arşın mal alan”ın ilk ekran variantı. Mədəniyyət.- 2011.- 13 may.- S. 10. (məqalə)

 

 

Nəriman Əbdülrəhmanlı. Azərbaycan kino sənəti tarixi. I cild. 1895-1936. səh. 134-138 (kitab)