. Riqoletto (1982)

Janrlar

İllər

Ölkələr

Riqoletto (1982)

Kateqoriya: Xarici filmlər Əlavə edilən tarix: 09-07-2018 Baxış sayı: 76

 

Filmin adı:

Riqoletto

 

Orijinal adı:

Rigoletto

 

Dil

azərbaycan dilində titrlərlə

 

İl:

1982

 

Ölkə: 

AFR

 

Janr: 

drammusiqi

 

Rejissor:

Jean-Pierre Ponnelle

 

Rollarda: 

Ingvar WixellEdita GruberovaLuciano PavarottiFerruccio FurlanettoVictoria VergaraFedora BarbieriRoland BrachtLouis OteyRémy CorazzaKathleen Kuhlmann

 

 

Məzmun:

Mantuan hersoqunun sarayında bal. Hersoqun Çeprano qrafinyasına nəvaziş göstərməsi onun ərində qısqanclıq yaradır. Təlxək isə Çeprano qrafını lağa qoyaraq, hersoqa elə bu gecə gözəl qrafinyanı oğurlamağı məsləhət görür. Acıqlı Çeprano qrafı Riqolettodan əvəz çıxarmağı özünə söz verir. Balın nəşəsi qraf Monteronenin gəlişi ilə pozulur. Monterone qrafı hersoqdan qızını qaytarmağı tələb edir. Təlxək Monterone qrafına istehza edir. Hersoq isə qrafı həbs etdirir. Monterone qrafı hersoqu və təlxək Riqolettonu lənətləyir. Monterone qrafının lənəti təlxəyə rahatlıq vermir. Gecədən keçmiş evinə qayıdan təlxək muzdlu qatilə rast gəlir. Təlxək bundan qorxaraq, sevimli qızı Cilda üçün bərk narahat olur. Hersoqun əməllərinə bələd olan təlxək qızına evdən bayıra çıxmamağı tapşırır. Bir dəfə kilsədən çıxan Cilda yaraşıqlı bir oğlana rast gəlir və ona valeh olur. Bu gənc tələbə qiyafəti geymiş hersoqun özüdür. Vurulmuş qız arzular qanadında uçur.

 

Bu arada isə hersoqun saray adamları Riqolettonun evində axtarış aparırlar. Onlar belə hesab edirlər ki, Cilda təlxəyin məşuqəsidir və onu oğurlamaq istəyirlər. Evə qayıdan Riqoletto qızının oğurlandığını görür. Hersoq sarayına üz tutan təlxək qızının qaytarılmasını tələb edir. Hersoqun yataq otağından çıxan qızını görən Riqoletto ləkələnmiş namusunun qisasını almağa söz verir. Qızı ona yalvararaq hersoqun günahından keçməyi xahiş edir.

 

Çay kənarındakı Sparafuçilenin pritonu. Hersoq bura ehtirasını söndürməyə gəlir və muzdlu qatilin bacısı, gözəl Maddalena ilə əylənir. Riqoletto qatilə hersoqu öldürməsini sifariş edir. Maddalena qardaşını bu işdən vaz keçməsini tələb eir. Sparafuçile şərt qoyur ki, içəri birinci kim daxil olarsa onu da öldürəcəkdir. Bu şərti eşidən Cilda hersoqu sevdiyi üçün və muzdlu qatildən qorumaq məqsədi ilə içəri daxil olur. Qayıdan Riqoletto qatilin cəsəd olan kisəni çaya atmaq istəyərkən haqlayır. Təlxək sevinir ki, nəhayət qisasını almışdır və cəsəd kisəsini çaya atmağa hazırlaşır ki, bu an o, hersoqun şən mahnisını: it. “La donna è mobile” (“Qadınlar əbədi deyil”) eşidir, dərhal kisəni yırtaraq içində qızı Cildanın cəsədinin olduğunu görür. Kədərdən hayqıraraq, “Ah! Bu imiş qocanın (Monterone qrafının) lənəti!” deyir və ölür.