| Eramızdan əvvəl 50-ci il. Yuli Sezar yeni fəthlərə can atır və şöhrətli legionlarının başında dünyanın lap ucunda yerləşən, Britaniya adlanan sirli ölkəni ələ keçirməyə hazırlaşır. Sezarın ordusu sürətli və demək olar ki, tam qələbə qazanır, lakin balaca bir kənd hələ də inadla müqavimət göstərir. Qüvvələr tükənmək üzrə olduğu üçün britlərin kraliçası Kordeliya ən etibarlı zabiti Krasovaksı kömək dalınca romalılara qarşı eyni cür mətin müqaviməti ilə məşhur olan başqa bir kiçik kəndə - Qalliyaya göndərir. Asteriks və Obeliksin öz problemləri də az deyil: kənd başçısı onlara Lutetsiyadan yenicə gəlmiş bezdirici qardaşı oğlu Qadoriksdən “əsl kişi” düzəltməyi tapşırıb və bu heç də asan iş deyil. Krasovaks qallara çatanda, onlar ona məşhur sehrli iksirlərindən bir çəllək verirlər və Asteriks ilə Obeliks onunla birlikdə Britaniyaya yola düşürlər. Amma təəssüf ki, hər şey planlaşdırıldığı kimi getmir… |
