. Almaz (1936)

Siyahılar

Almaz (1936)

Kateqoriya: Tammetrajlı bədii filmlər Əlavə edilən tarix: 04-07-2019 Baxış sayı: 193

 

Almaz (1936)

 

 

 

Məzmun

 

 

1930-cu il. Azərbaycanın uzaq dağ kəndi. Bu kəndə işləməyə gələn gənc müəllimə Almaz burada quruluşun inkişafı və möhkəmləndirilməsi yolunda qarşıya çıxan əngəllər və çətinliklərlə qarşılaşır. Kənddə eyni zamanda kollektivləşmə ilə əlaqədar sinfi mübarizə gedir. Belə bir təzadlı və çətin vaxtda kənddə fəaliyyətə başlayan, bir sıra mürəkkəb məsələlərlə üz-üzə qalan gənc müəllimənin keşməkeşli həyat yolu filmin əsas süjet xəttini təşkil edir.

 

Film haqqında

 

 

Kinolent dramaturqun eyniadlı əsəri əsasında ekranlaşdırılmışdr. Bu filmə Cəfər Cabbarlı özü quruluş verməli idi. Filmin çəkilişlərinə hazırlıq işləri 1934-cü il iyunun 25-də başlanmışdı. O, hətta filmin çəkilişi ilə bağlı bütün hazırlıq işlərini də görüb başa çatdırmışdı. Lakin qəfləti ölüm onun bu işini yarımçıq qoydu. Film Ağarza Quliyev və Qriqori Braginskiyə həvalə olunduqda onlar Cabbarlının seçdiyi aktyor tərkibini dəyişmədən çəkilişlərə başlayıblar.
Bəzi mənbələrdə «Almaz» ilk səsli bədii film kimi təqdim olunub. Əslində isə «Almaz» Azərbaycan kinosunun sonuncu səssiz filmidir. Bu film iki variantda çəkilib. Yəni birinci variant tam səssizdir. İkinci variantda isə yalnız musiqidən istifadə edilib. Filmə musiqini bəstəkarlardan Niyazi və Zülfüqar Hacıbəyov yazıb. Lakin aktyorlar danışmırlar. Aktyorların  dialoqları yazılar vasitəsilə verilib.
Film Azərbaycanın istedadlı dramaturqu Cəfər Cabbarlının işıqlı xatirəsinə ithaf olunmuşdur.
Film aktrisa Hökümə Qurbanovanın kinoda ilk işidir.
1934-cü ildə İzzət Orucova bu rola dəvət olunanda Elmi Tədqiqat İnstitutunda yenicə fəaliyyətə başlamışdı. İnstitutun direktoru M. Kapelyuşnikov onun filmə çəkilməsinə izn vermir. Moskvadan qayıdarkən qatarda təsadüfən Cabbarlı Kapelyuşnikovla eyni kupeni bölüşürlər. Cabbarlının söhbətləri Kapelyuşnikovu ram edir və o, Orucovaya çəkilməyə icazə verir.
C.Cabbarlı Yaxşı roluna qardaşı qızı Mələyi təsdiq eləmişdi. Əmisinin ölümündən sonra o, roldan imtina edir. Nəticədə bu obrazı Hökümə Qurbanova oynayır.
Rejissorlardan biri olan Qriqori Braginski "Almaz"ı səsli film kimi çəkməyin tərəfdarı idi. Lakin onun təklifi qəbul olunmur və film səssiz çəkilir.
Bu filmdən sonra İzzət Orucova kinodan tamamilə uzaqlaşarak öz peşəsini davam etdirib.

 

Digər məlumatlar

 

 

Janr: dram
İstehsalçı şirkət: "Azərbaycan" kinostudiyası
İl: 1936
Ölkə: Azərbaycan
İlk baxış tarixi: 

25 dekabr 1936, SSRİ

Filmin növü:  tammetrajlı bədii film
Rəng:  ağ-qara
Vaxt: 65 dəq.
Dil:  səssiz, rus dilində titrlərlə, musiqinin müşayiətilə
Texniki məlumat: 

6 hissə
1859,6 metr

35 mm

Çəkiliş yerləri: 

Şamaxı, Dədəgünəş kəndi

Bakı, Maştağa kəndi (məscid səhnəsi)

Bakı, kinofabrikin pavilyonu (məktəbin həyəti səhnəsi)

 

Filmin heyəti

 

 

Ssenari:

Cəfər Cabbarlı

Rejissorlar:

Ağarza Quliyev (Ağa-Rza Quliyev kimi)

Qriqori Braginski (Q. M. Braginski kimi)

Operatorlar:

İvan Frolov (İ. Frolov kimi)

Əsgər İsmayılov (Ə. İsmayılov kimi)

Səs operatoru: İlya Ozerski (İ. Ozerski kimi)
Bəstəkarlar: 

Niyazi

Zülfüqar Hacıbəyov (Z. Hacıbəyov kimi)

Rəssam: Viktor Aden (V. B. Aden kimi)
Rejissor assistenti: Əlisəttar Məlikov (Ə. Məlikov kimi)
Bədii rəhbər: Nikolay Şengelaya (titrlərdə yoxdur)

 

Rollarda

 

 

İzzət Orucova (İ. Orucova kimi)

 

Almaz

Hökümə Qurbanova (H. Ələkbərova kimi)

 

Yaxşı

Xeyri Əmirzadə

 

Kərim

Əlisəttar Məlikov (Ə. S. Məlikov kimi)

 

Barat

Ələkbər Hüseynzadə (Ə. Hüseynzadə kimi)

 

Hacı Əhməd

İsmayıl Hidayətzadə (İ. Hidayətzadə kimi)

 

kənd sovetinin katibi Şərif

Panfiliya Tanailidi (P. Tanailidi kimi)

 

Fatmanisə

Əli Qurbanov (Ə. Qurbanov kimi)

 

Avtil

Əzizə Məmmədova (Ə. Məmmədova kimi)

 

Telli

Mirzəağa Əliyev (M. A. Əliyev kimi)

 

məktəb direktoru Səməndər

Ələsgər Ələkbərov (Ə. Ələsgərov kimi)

 

Fuad

Əhməd Qəmərlinski (Ə. Qəmərlinski kimi)

 

kənd sovetinin sədri Balaoğlan

Rza Təhmasib (titrlərdə yoxdur)

 

həkim

Zeynəb Kazımova (titrlərdə yoxdur)

 

komissiya üzvü

Lətif Səfərov (titrlərdə yoxdur)

 

kəndli oğlan

 

Epizodlarda (naməlum)

 

 

kənd sakini
kənd sakini
kənd sakini
kənd sakini

Gülbacı

kənd sakini
kənd sakini
Sürmə
kənd sakini
kənd sakini
komissiya üzvü
kənd sakini
kənd sakini
kənd sakini
kənd sakini
komissiya üzvü
kənd sakini
kənd sakini

 

 

Saundtreklər / Endir