. Ağ atlı oğlan (1995)

Janrlar

İllər

Ağ atlı oğlan (1995)

Kateqoriya: Tammetrajlı bədii filmlər Əlavə edilən tarix: 01-07-2019 Baxış sayı: 312

 

Ağ atlı oğlan (1995)

 

 

 

Məzmun

 

 

Film hərbi-vətənpərvərlik mövzusundadır. Romantik filmdə Qarabağın azadlığı uğrunda erməni qəsbkarlarına qarşı aparılan müharibədə yaşlılarla bərabər məktəbli oğlanın da qəhrəmanlıqla vuruşmasından söhbət gedir. Film tamaşaçıları fədakarlığa, vətənpərvərliyə çağırır.

 

Filmin qəhrəmanı nağıllar aləmində yaşayan, tez-tez nənəsinin danışdığı nağılları yada salan 12-13 yaşlı Muraddır. Onun ən çox sevdiyi "Ağ atlı oğlan" nağılıdır. Bu nağılın qəhrəmanı hər dəfə ağ paltarda, ağ atda gözlənilmədən meydanda görünəndə xalq ədalətin, xeyrin şər üzərində qələbəsinin şahidi olur. Və günlərin birində Qarabağ uğrunda döyüşlərdə Murad da öz ağ tankında meydanda görünür...

 

Film nikbin sonluqla bitir. Çünki romantik qəhrəman Azərbaycanın rəmzi səviyyəsinə qaldırılır. Bu qəhrəman Azərbaycan xalqının möhkəm iradəsini, ölməzliyini bir daha nümayiş etdirir.

 

Film haqqında

 

 

Film "Azərkinovideo" İstehsalat Birliyinin sifarişi ilə çəkilmişdir.
Film aktyor və rejissor Həsən Əblucun xatirəsinə həsr olunmuşdur.
Filmin çəkilişləri zamanı aktyor Yaşar Nuri ilə rejissor Ənvər Əbluc arasında yaradıcılıq mübahisəsi düşür və aktyor əsəbiləşərək çəkiliş meydançasını birdəfəlik tərk edir. Çətin vəziyyətdə qalan rejissor məcbur olub ssenaridə dəyişiklik edərək Yaşar Nurinin oynadığı Əbdül dayını filmin ortasında "öldürür". Bu küsülülük uzun çəkdiyindən Əbdül obrazını aktyor Rasim Balayev səsləndirmişdi.

 

Murad obrazı Aişə Seyfullayevanın prototipidir. 11 yaşında evdən qaçıb müharibəyə qatılan Aişə Qax rayonunda anadan olub. Bakının "Sovetski" məhəlləsində böyüyüb. Aişənin anası Fəridə Abbasova 20 Yanvar şəhididir, qardaşı da Qarabağ döyüşlərində şəhid olub. Hərbi vəzifəsi BMP atıcısı olub. 1994-cü il may ayının 4-də Gəncə batalyonundan təxris olunub. Qarabağ müharibəsi zamanı bir neçə dəfə ağır yaralanıb. Özünün dediyinə görə onun haqqında Nurəddin Quliyev və Mikayıl Mirzənin təşəbbüsü ilə "Ağ atlı oğlan" filmi çəkildi. Filmdə onu oğlan kimi təqdim ediblər. Ancaq nənəsini, balaca qardaşı Pərvizi də düz veriblər, yalnız onu oğlan obrazında işıqlandırıblar, səbəb də, hamının onu oğlan bilməsində idi.

 

Film Murad rolunun ifaçısı Abbasqulu Əblucun kinoda son işidir. O, bundan sonra tibb sahəsini seçmişdir. Hazırda həkim kimi fəaliyyətini davam etdirir.

Film Rəşad rolunun ifaçısı Orxan Nadirovun kinoda yeganə işidir.
Film İran İslam Respublikası Beynəlxalq Uşaq Filmləri Festivalında birinci mükafat alıb.
Ssenari müəllifi İsi Məlikzadə filmi şəhidlərimizə ithaf edib. Filmin titrlərində də belə yazılmalıymış. Lakin çəkilişlər zamanı rejissorun qardaşı Həsən Əbluc vəfat etdiyi üçün rejissor ssenaristdən xəbərsiz filmi qardaşı Həsən Əbluca ithaf edib. Bunu görən İsi Məlikzadə ilə Ənvər Əbluc arasında inciklik düşüb.

 

İstifadə edilən musiqi əsərləri:

"Kızlar" (İbrahim Tatlıses)(Şahinin qızı Xumar oxuyur)

"Ay duman, gəl, get" (müəl. Aşıq Abbas Tufarqanlı) (hərbi hissədə aşıq ifa edir)

"Süsən sünbül" xalq mahnısı (Cəfər zümzümə edir)

"Qaragilə" xalq mahnısı (Cəfər zümzümə edir)

Ənvər Vəliyevin oynadığı ziyalı obrazı Tofiq Bayramın "Azərbaycan deyəndə" şeirini oxuyur.

 

Digər məlumatlar

 

 

Janrlar: ailə, dram, ekşn, müharibə
İstehsalçı şirkət: "Azərbaycanfilm" kinostudiyası
İl: 1995
Ölkə: Azərbaycan
Filmin növü:  tammetrajlı bədii film
Rəng:  rəngli
Vaxt: 64 dəq.
Dil:  azərbaycanca
Texniki məlumatlar: 

7 hissə
1890 metr

Çəkiliş yeri: 

Füzuli, Horadiz qəsəbəsi

 

Filmin heyəti

 

 

Ssenari müəllifləri:

İsi Məlikzadə

Ənvər Əblucun iştirakı ilə

Quruluşçu rejissor: Ənvər Əbluc
Quruluşçu operatorlar:

Rafiq Əliyev

Rövşən Quliyev (Rövşən Cavanşiroğlu kimi)

Quruluşçu rəssam: Nizami Bəydəmirov
Bəstəkar: Oqtay Rəcəbov
Səs operatoru: Akif Nuriyev
Rejissor: Əliheydər Şahbazov (Ə. Şahbazov kimi)
Operator: Sərvər Rəşidoğlu (S. Rəşidoğlu kimi)
Montaj edən: Nelli Dadaşova (N. Dadaşova kimi)
Montaj üzrə assistent:

Xalidə Cəfərova (X. Cəfərova kimi)

Rejissor assistentləri:

G. Kərimova

K. İslamova

İ. Məmmədov

Ənvər Həsənov (Ə. Həsənov kimi)

Operator assistentləri:

Z. Niftullayev

Nizami Səfərov (N. Səfərov kimi)

Quraşdırılmış səhnələrin operatoru:

Həmzə Əhmədoğlu (H. Əhmədoğlu kimi)

Quraşdırılmış səhnələrin rəssamı: Rauf Dadaşov (R. Dadaşov kimi)
Rəssam-fotoqraf:

Natiq İbrahimov (N. İbrahimov kimi)

İşıq ustaları:

Adil Dadaşov (A. Dadaşov kimi)

B. Kildyakov

Pirotexnik:

Əlibala Məmmədov (Ə. Məmmədov kimi)

Çalır:

Rafiq Babayev adına ansambl

Dirijor:

Oqtay Rəcəbov (O. Rəcəbov kimi)

Mahnıların ifaçıları:

Flora Kərimova (F. Kərimova kimi)

İlham Əsgəroğlu (İ. Əskəroğlu kimi)

Mahnıların mətni:

Ramiz Rövşən

Hərbi məsləhətçi:

polkovnik Gülməmməd Axundov (G. Axundov kimi)

Redaktor:

Ramiz Rövşən (R. Əliyev kimi)

Musiqi redaktoru:

İsmayıl Dadaşov (İ. Dadaşov kimi)

İnzibatçılar:

O. Ağayev

Ədalət Yunusov (Ə. Yunusov kimi)

Tamara Kazaçenko (T. Kazaçenko kimi)

Filmin direktoru:

Arif Səfərov

 

Rollarda

 

 

 

Abbasqulu Əbluc-Murad (baş rol)

 

 

-Bizi də ağ atlı oğlan xilas eləyəcək.

 

-Muğandan gəlirəm. Ayaqlarım hara, başım da ora.

 

-Sonra Cəfər pəzəvəngi söydü. Əclaflar onu öldürdülər. Axtardım bir daş götürüm, çırpım təpələrinə. Gördüm avtomat düşüb yanıma. Avtomatı götürüb erməniləri biçdim.

 

-Qorxma, ağ atlı oğlan gələcək.

 

-Nə qədər ki, torpaqlarımız düşmən əlindədir evə qayıtmayacam. Necə deyərlər, öldü var, döndü yoxdur.

 

 

Sədayə Mustafayeva (S. Mustafayeva kimi)-Mirvari nənə

səsləndirən: Zərnigar Ağakişiyeva

 

 

-Allah sizdən də razı olsun ki, bu dar gündə o, bu kimi övladınızı küncdə-bucaqda gizlətmədiz.

 

-O namərdlərə divan tutarsan. Hansını görsən tüpür üzünə. Denən nanəcib köpəkuşağı, çörəyimizlə böyüyüb bizə şıllaq atırsız?

 

-Bu nə müsibət idi biz düşdük? İndi Şahn Bakıda partlayır, mən də burada.

 

-A bala, vedrəni dınqıldatma, səsi başıma düşür.

 

-Ay dozanqurdu, səsini kəs, yumurtanı da korlama. Onsuz da toyuğumuz minnətlə yumurtlayır.

 

-A bala, od almağa gəlmişdiz? Üzünüzü uşağa göstərdiz, indi də çıxıb gedirsiz?

 

-Ay oğul, uşaqlara puldan, pal-paltardan vacib atadır.

 

-Bura baxın, bu uşaq iynə-zad deyil ki, otun arasına düşə tapılmaya.

 

-Yəni, mənim nəvəm kolxozun bir danasına da dəymədi? Dana itəndə aləmi ayağa qaldırırsız.

 

Orxan Nadirov (O. Nadirov kimi)-Rəşad

 

 

-Murad hələ kişi deyil.

 

-Qəhrəman mənim qardaşımdır.

 

Yaşar Nuri (Y. Nuriyev kimi)-Əbdül

səsləndirən: Rasim Balayev

 

 

-O qədər Gizir, Gizir deyəcəksiz, gül kimi adım da yadımdan çıxacaq.

 

-Bismillahirrəhmanirrəhim, bu haradan çıxdı ə?

 

-İndi də get güzgüyə bax. Ə, mənə yox e güzgüyə bax.

 

-Köpəkuşağı. Bunların Allahı yoxmuş. Gül kimi kəndi xarabaya döndəriblər.

 

 

Ruslan Nəsirov (R. Nəsirov kimi)-Cəfər

 

 

-Quzubala, yaxşısı budur get, evdə anana kömək elə. -Anam yoxdur.

 

-Ə, yırtıq təkər də heç dolar? Sən dedin ki, qızışmaq istəyirəm, mən də iş verdim ki, qızışasan da.

 

-Səidə, gördün? Sənə demədim ermənilər atəşkəsə əməl eləyən deyil?

 

-Oğulsan. Birinci sınaqdan kişi kimi çıxdın.

 

-Elə bilirsən biz qorxmuruq? Birinci dəfə belə vur-çartlasın görəndə burnumdan qan açılmışdı. Qorxudan üç gün dilim tutulmuşdu.

 

-Əşi, hamı sənin orada qoçaqlığından danışır, sən də burada yuxu bişirirsən.

 

-Səidə bacın səni bir tərifləyirdi, az qala paxıllığım tuturdu. O da hələ-hələ adam tərifləyən deyil ha. Onun üçün dəridən, qabıqdan çıxıram, tərifləmir ki, tərifləmir.

 

-Komandirin bütün əsgərləri sənin kimi olsaydı, düşməni çoxdan qovub-çıxartmışdıq buradan.

 

-Ə qırqovul, başını soxmusan kola, quyruğundan xəbərin yoxdur. Qaldır başını. -Axı başıma mərmi düşər. -Ayrı yerivə mərmi düşsə sağ qalacaqsan?

 

-Hara qaçırsan, dovşan köpəyoğlu? Qaçsan, səni özüm gəbərdəcəyəm.

 

-Eşitdiyimə görə heç faşistlər də belə qəddar olmayıblar.

 

-Sizin ananızı...

 

Dilarə Nəzərova (D. Nəzərova kimi)-Səidə

səsləndirən: Sonaxanım Mikayılova

 

 

-Əsas məsələ odur ki, qaçmayıb. Əsl kişi belə olar. Şah İsmayıl elə bu yaşında sərkərdə olmuşdu da.

 

-Ağ atlı oğlan gecikir, Murad, yaman gecikir.

 

-Ağ atlı oğlanlar bir ucdan çıxıb gedirlər, Murad. Həmişəlik gedirlər.

Səidə Səfərova (S. Səfərova kimi)-Günay

 

 

-Başına dönüm qaqaş, özündən muğayat ol.

 

-Mirvari nənə, muştuluğumu ver, Murad tapılıb. Budur e televizorda göstərirlər.

Xumar Əhədova (X. Əhədova kimi)-Xumar

Laləzar Mustafayeva (L. Mustafayeva kimi)-Şəhla

səsləndirən: Səidə Quliyeva

 

 

-Ana, elə bizim də yuxumuz ərşə çəkilib. Muradın yoxa çxımağı bizi lap çaşdırıb.

 

-Elə mən özüm də iki odun arasında qalmışam.

 

Elxan Quliyev (E. Quliyev kimi)-Şahin

səsləndirən: Hacı İsmayılov

 

 

-Ay ana, sən Allah ağlama. Vallah Şəhla falçıya da gedib, kitab açdırıb, deyib ki, sağ-salamatdır.

 

-Neyləyim, ay ana? Mənimki də belə gətirib. Əgər uşaqların anası bu dünyadan vaxtsız köçməsəydi...

 

-Yox, ana, Şəhla haqlıdır. Elə sən özün də keçən dəfə dedin. Uşağa ata vacibdir. Bir tikə çörəkpulu qazanmaq üçün o qədər ora, bura qaçırıq ki, uşaqlara baş çəkməyə də vaxt tapmırıq.

 

-Daha səhvləri düzəltməyin vaxtı çatıb. Uşaqların da məhəbbətini qazanmaq lazımdır.

 

Məzahir Ağayev (M. Ağayev kimi)-komandir

səsləndirən: Ənvər Əbluc

 

 

-Sizə deməmişdim o uşağı göndərin getsin? Başına bir iş gələr, sonra dilə-dişə düşərik.

 

-Sən hələ buradasan?

 

N. Axundov-İmran

 

Epizodlarda

 

 

Vaqif Əliyev (V. Əliyev kimi)-erməni

 

 

-Ara ay uşaq, ara o iqruşka deyil e, ara. Aptomatdır. Qoy onu yerə. 

 

-Mən kuznesəm, kuznes. Dəmirçi

Lətifə Əliyeva (L. Əliyeva kimi)-əsgər anası

 

 

-Mən bütün ana-bacılar adından sizə müraciət eləyirəm. Bizim namusumuzu, şərəfimizi qoruyun. Ümumi qələbəmiz naminə biz də əlimizdən gələni əsrigəməyəcəyik. Lazım gələrsə gecə növbəsində də işləyərik. Lap ac da qalarıq. Təki siz qalib gəlin, siz. Mənim bir oğlum şəhid olub vətənimizin, topağımızın uğrunda. İkinci oğlum da silaha sarılıb. Bax, bu balaca əsgərin hələ ana qoynunda isinən vaxtıdır. Amma o, bura vuruşmağa, düşməndən intiqam almağa gəlib. O intiqam odu bu gün bizim hamımızın ürəyində yanmalıdır, hamımızın. Sizin kimi övladları olan vətən heç vaxt basılmaz.

 

A. Vəliyev

Ənvər Vəliyev (Ə. Vəliyev kimi)-ziyalı

 

 

-Yurdumuzun bu dar gündə sizin kimi igid oğullara ehtiyacı var. Erməni quldurları bu müqəddəs torpağımızın beşdə birini zəbt eləyiblər. Sinəsində əcdadlarımızın qəbri olan, səmasında ulularımızın ruhu dolanan bu torpaqları yağı tapdağından siz qurtarmalısız. 

 

T. Şirzadova

Fərəc Fərəcov (F. Fərəcov kimi)-erməni zabit

 

E. Abbasov

Rafiq İbrahimov (R. İbrahimov kimi)-polis işçisi

 

 

-Nənəcan, sənin nəvən bir danaya yox e, lap bir naxıra dəyər.

 

Muxtar Əzizbəyov (M. Əzizbəyov kimi)

İlham Əsgəroğlu (İ. Əskəroğlu kimi)-aşıq

Firuz Xudaverdiyev (titrlərdə yoxdur)-kənd sakini

 

 

-Davada alınan yara ki var kişinin yaraşığıdır. 

Adil Dadaşov (titrlərdə yoxdur)-əsir

Arif Həbibi (titrlərdə yoxdur)-qonaq

Nizami Bəydəmirov (titrlərdə yoxdur)-qonaq

Sərvər Rəşidoğlu (titrlərdə yoxdur)-operator

Emiliya Əzimova (titrlərdə yoxdur)-əsgər anası

 

Epizodlarda (naməlum)

 

 

əsir
əsir
əsgər
zabit
qonaq

qonaq

zabit

polis rəisi

 

 

-Ay nənə, darıxıb eləmə. Sənin nəvəni tapacağıq. O biri rayonlara da demişik.

 

-Qiyasov, bu işlə ciddi məşğul olun.

Qiyasov

 

 

-Axtarırıq, ay nənə, vallah axtarırıq.

erməni əsgər
erməni əsgər
hərbi müxbir
erməni əsgər

 

Filmi səsləndirənlər

 

 

Zərnigar Ağakişiyeva Mirvari nənə Sədayə Mustafayeva
Rasim Balayev Əbdül dayı Yaşar Nuri
Sonaxanım Mikayılova Səidə Dilarə Nəzərova
Səidə Quliyeva Şəhla Laləzar Mustafayeva
Hacı İsmayılov Şahin Elxan Quliyev
Ənvər Əbluc komandir Məzahir Ağayev
Məmmədkamal Kazımov kənd sakini  

 

Açar sözlər

 

 

şəhid Qarabağ müharibəsi əsgər erməni döyüş

qəhrəmanlıq

tank yetim at

 

Saundtreklər / Endir

 

 

 

Mahnıların sözləri

 

 

 

Ey ağ atlı igid, gəl

 

ifa: Flora Kərimova

mus. Oqtay Rəcəbov

 

Batmışıq qan gölündə,
Qalmışıq qəm əlində, 
Yağı düşmən əlində
Səsimizi eşit, gəl, 

Ey ağ atlı igid, gəl!

 

Nağıllardan çapıb gəl,
Qılıncını qapıb gəl,
Külək kimi qopub gəl,
Küləkdən də becid gəl.

Ey ağ atlı igid, gəl!

 

Nağıllardan çapıb gəl,
Qılıncını qapıb gəl,
Külək kimi qopub gəl,
Küləkdən də çevik gəl.

Ey ağ atlı igid, gəl!

 

Bu topraqda gül açmır,
Körpələr də dil açmır,
Tanrı bizə yol açmır,
Sənə qalıb ümid, gəl,

Ey ağ atlı igid, gəl!

 

Nağıllardan çapıb gəl,
Qılıncını qapıb gəl,
Külək kimi qopub gəl,
Küləkdən də çevik gəl.

Ey ağ atlı igid, gəl!


Küləkdən də becid gəl.

Ey ağ atlı igid, gəl!

 

Batmışıq qan gölündə,
Qalmışıq qəm əlində, 
Yağı düşmən əlində
Səsimizi eşit gəl, ey ağ atlı igid gəl!

 

Qoşa dönsün ağ at gəl, tax şimşəkdən qanad gəl,
Yatmışıqsa oyat gəl, ölmüşüksə, dirilt gəl,

Ey ağ atlı igid, gəl, gəl, gəl!

 

 

Gəl ağlama

 

ifa. İlham Əsgəroğlu 

mus. Oqtay Rəcəbov 
söz. Ramiz Rövşən

 

Ağlayanım tapılsa, 
Nə var ölməkdən gözəl
Nə var şəhid qanına,
Batan köynəkdən gözəl 

 

Gəl ağlama sən belə,
Göz yaşların qurusun
Mən öldüm, indən belə,
Səni dərdim qorusun. 

 

Başın üstə quş kimi,
Ruhum uçub, dolanar
Bir də sevib-sevilsən,
Adımı ver balana. 

 

Gəl ağlama sən belə
Göz yaşların qurusun.
Mən öldüm indən belə
Səni adım qorusun.

 

Kızlar (İbrahim Tatlıses)(Şahinin qızı Xumar oxuyur)

 

Gül açtı bağlarda gül
Yeşillendi dağlarda gül

Gül açtı bağlarda gül
Yeşillendi dağlarda gül
Keyf sefayla alıştı
Şenlendi dağlarda gül

Keyf sefayla alıştı
Şenlendi dağlarda gül

 

Kızlar el ele verin toydi
Vel vele verin

Kızlar el ele verin toydi
Vel vele verin

Kızlar el ele verin toydi
Vel vele verin

Kızlar el ele verin toydi
Vel vele verin

 

 

Ay duman, gəl, get

 

müəl. Aşıq Abbas Tufarqanlı (hərbi hissədə aşıq ifa edir)

 

Ay duman, gəl, get bu dağlardan,
Dağlar təzə bar eyləsin.

Dağlar təzə bar eyləsin, bar eyləsin, bar eyləsin ay dərdin alım


Ay nə gözlərim səni görsün,
Nə könlüm qubar eyləsin.

Nə könlüm qubar eyləsin, qubar eyləsin, qubar eyləsin ay dərdin alım